صابلي بريستيج بالبراليني

صابلي بريستيج بالبراليني لذييييذ

مقادير الصابلي

110 غ زبدة بحرارة المطبخ

بيضة

90 غ سكر كلاصي

25 غ بودوة الكريم باتيسيير

40 غ كاكاو

قبصة ملح

½ ملعقة صغيرة فاني

دقيق حسب الخليط

الحشوة

براليني باللوز أو الكاوكاو

نستلي كراميل

قرفة

للتزيين

شكلاط أسود

نوكاتين : 125 غ لوز مهرمش و محمر- 50 غ عسل – 50 غ كليكوز – 1 ملعقة بودرة كاكاو – 25 غ زبدة

الطريقة

لتحضير الصابلي نخلطو السكر كلاصي و الزبدة غير بالأصابع ثم نضيفو البيض, الملح ثم بودرة الكريم باتيسيير,الفاني و الكاكاو و نجمعو بالدقيق حتى نحصلو على عجين متماسك

نغطيو العجين ببلاستيك غذائي و نخليوها فالثلاجة على الأقل ساعة قبل الاستعمال

نطلقو العجين بين 2 بلاستيكات تقريبا 4 مم فالسمك و نقطعو دوائر مسننة بالمرشم ونستفو نصف الكمية فوق اللاطة و نصف الكمية الآخر في مول السيليكون SF06 ونضغطو عليها بالإبهام باش يعطينا شكل مقعر للصابلي

نسخنو فرن على درجة حرارة 160 و ندخلو الصابلي من 20 إلى25 دقيقة

لتحضير النوكاتين في كسرونة على نار هادئة ندوبو الزبدة, العسل, الكليكوز, و نضيفو الكاكاو ثم الللوز المهرمش و نخلطو جيدا الى أن تتجانس المواد مع بعضها ثم نصبو الخليط فوق ورق الطبخ و نخليوه يبرد

لما يبرد نعملو منو حبات بحجم البندق

لما يطيب الصابلي و يبرد نعمرو الصابلي المقعر بالحشوة و نلصقوه فوق الصابلي العادي ثم نوضعو فوقو الشكل اللي تانعملوه من الشكلاط على شكل براسلي و نوصعو حبة النوكاتين في وسط الشكلاط كما مبين في الصورة