صابلي مزين بعجين اللوز
المقادير
250 غ زبدة (بحرارة المطبخ)
200 غ سكر سنيدة
120 غ كاكاو
2 بيضات
قبصة ملح
½ ملعقة صغيرة نكهة الشكلاط
80 غ بودرة اللوز مطحون بقشوره
دقيق الحلويات حسب الخليط
التزيين
عجين اللوز
فاني
ناباج
لوز مهرمش
الطريقة
نخلطو الزبدة و السكر ثم نضيفو البيض , الملح , النكهة ثم الكاكاو مغربل و بودرة اللوز و نجمعو الكل بالدقيق
نغطيو العجين ببلاستيك غذائي و نخليوها فالثلاجة على الأقل ساعة قبل الإستعمال
نطلقو العجين بين 2 بلاستيكات تقريبا 5 او6 مم فالسمك و نقطعو وريدات بالمرشم اللي فالصورة ونستفو فوق اللاطة
نسخنو فرن على درجة حرارة 180 و ندخلو الصابلي من 20 إلى25 دقيقة
طريقة التزيين
نضيفو الفاني على عجين اللوز و نرشو سطح العمل بالسكر كلاصي و نطلقوها بالمدلك
نقطعو بنفس المرشم و نعملو ثقب في وسط الوردة ثم نوضعوها فوق الصابلي بعدما يبرد
نعملو وسط الثقب شوية ناباج و نزينو باللوز مهرمش ملون بالبرونز أو عادي
0 التعليقات:
إرسال تعليق